以上圖片來自台灣。
我寫單身系列時講過，女性基督徒的擇偶條件，係可以隨時隨地隨便寫出二三十樣，今次算係找到一個實例。
通常能列出這堆條件的姊妹，最後還會加一句：「我啲要求唔係好高啫。」而她們從不知道，究竟符合以上條件的人有多稀有。
係美國有好事之徒做了一個網站《Female Delusion Calculator》(女性妄想計數機)，網址是https://igotstandardsbro.com/(我有要求)，計算那些女性的機本要求，在美國人口佔多少巴仙。美國傳統對理想男性有666之說，6 figure income、6 feet tall、6 Abs，六位數年薪、六尺高以上、六舊腹股。符合以上三項，而又在適婚年齡(25-40)未婚的男性，大家估估有在美國佔多少人口？連1%都不到，只有0.45%。
說回文道台灣的例子，做個簡單的費米推算。
台灣只有4%基督徒，教會向來女多男少，估計基督徒男性1.5%，在適婚年齡層約是三分一，0.5%，估計未婚人數有一半，0.25%。因為文中有寫「喜歡運動健身」，估計樓主不喜歡肥宅，而台灣18歲以上男性的肥胖率達47.9%，為方便計當50%，即0.125%。
根據普遍觀察，約十個人之中有一個懂樂器，如果再加上這個加分項，就是0.125%/10 = 0.0125%。以台灣二千三百五十七萬人口，一千一百六十萬名男性計，全台擁有以上條件的人為1450名，當中已撇除收入及身高，兩個女性擇偶非常重要的要求，而且還要對方主動來追求。
我一直想，為何女性在擇偶上經常出現這種落差，結果在100毛一條片中找到答案。
由於事主是母胎單身，所以她對理想對象的要求，大多數是從影視作品而來，溝埋落社會文化傳統的影響，所以先會出現期待日後的男朋友，要好似天若有情華dee一樣野性不羈神秘危險，可以坐單車尾，但同時要求對方成熟穩重顧家搵到錢。
在教會中，姊妹們的戀愛經驗就更少，絕大多數教會鼓勵大家在情愛的事上謹慎行事，寧缺毋濫，大家不清楚在戀愛市場上的行情，令到不少人自己為正常的要求，實際是多麼的不可思議。
"莫道你在選擇人，人亦能選擇你" -無話過自己信神既陳伯強都知呢個道理，可見其實自稱基督徒既未必真係悔改過，只係以唔同身份過忠於欲望既生活而矣
回覆刪除再退多十萬步，呢啲自稱基督徒既人一樣跟紅頂白，初代教會已經有"若有一個人帶著金戒指，穿著華美衣服，進你們的會堂去；又有一個窮人穿著骯髒衣服也進去；你們就重看那穿華美衣服的人，說「請坐在這好位上」；又對那窮人說：「你站在那裡」，或「坐在我腳凳下邊。」"
我係某教會就係咁浪費咗十年，妄想俾時間就會有人接受，連一位牧師移民前開埋聲話不接受助道會有不接受弟兄姊妹既事都一樣無用，黨已結成所以索性硬頸唔認錯；一如掃羅王自把自為既結果係失去一切，呢個教會因為結黨關係由千多人眾會跌到得返二百幾人
為救忙佢哋啲傳道人又開始四圍搵啲好耐無返既人，搵著我，但始終唔承認有問題，更無為此道過歉，重拉我一齊祈禱，都只係話"如果有令我受傷害求主原諒"，我呢個當事人就完全無視，都係呢種求偶心態既另一種演繹
好鐘意睇你寫既野,唔會人云亦云,有理有據去支持. 加油!
回覆刪除要求講得多，吹水調情一大輪... 出到嚟見面，嘩！咁矮咁樣嘅？先生，唔好意思你認錯人。
回覆刪除所有要求其實都係廢噏，只要靚仔有錢，其他嘢佢就會腦補上去。邊個話基督徒唔會咁膚淺用數字去量化人？
龍井樹
Female Delusion Calculator made by some good people in the United States. How many percent. American tradition has 666 sayings about ideal men, 6 figure income, 6 feet tall, 6 Abs, six-figure annual salary, six feet taller, and six old buttocks. What is the estimated number of unmarried men delusional calculator males in the marriageable age (25-40) who meet the above three items? Not even 1%, only 0.45%.
回覆刪除