何解教會對職場的教導多是荒腔走板

 

本來想係FB出個post笑下就算，但諗諗下，都係認真成件事寫下。

係呢個職場新一代的FB專頁入面，近幾日出咗兩篇題為《回應「人善被人欺」的職場》的文章，所以講到的處境以及解決方法，看罷真的令人搖頭嘆息。

文章連結

回應「人善被人欺」的職場(上)

回應「人善被人欺」的職場(下)

返工你見到果班人叫同事，並非朋友，你們只有工作上的關係，當然職場上有機會識到真心朋友，但機會並不多就是。真誠待人是應份，但認為對方必然回以真誠，是想多了。在職場上遇到形形式式的人，總有一部份係同你唔夾，無法好好相處，純粹公事往來，這並非一種錯誤。