面對教會反對萬聖節，只需要問一個問題

以部份人的講法計，扮耶穌等於交鬼

我真係唔太在乎有信徒反對慶祝萬聖節，你有你領受，我有我自由，正如我唔會反對一個穆斯林唔食豬肉，然後不斷同佢講豬肉幾好味，幾有營養。因為我知呢D叫信仰，而信仰係有好個人的一面，唔一定可以用理性解釋。

但好死唔死，好多信徒認為，即使唔講信仰、唔用聖經、唔用教會傳統，我地都可以用公共理性去說服其他人，基督教論理觀係比較優勝，值得社會採納。呢樣野，應該歸功於關啟文。 

不是寫萬聖節

近年教會公型像低迷，在公共事務上發聲時，有一個現象，在支持或反對某件事物時，不會直接承認自己的立場來自信仰，而嘗試採用社會文化的角度，例如心理學、社會科學等去解釋，找出同時又普遍為大眾接受的原則作為理據，認為即使不動用到宗教信仰的立場，仍然可以說服別人。因為若貿然祭出「我們支持/反對XX，因為聖經這樣說」，對方一句「我不信聖經」即可回應，無法有效溝通。