健康教會系列：《為何教會不像樣》、《像樣的教會管理》、《教會變得更像樣》

原來陳喜謙牧師的《為何教會不像樣》己經是2008年出版，七年過去，本地教會有沒有變得更像樣呢，或像陳喜謙牧師所言，此書能在教會中引起風波呢。以筆者的觀感而言，非但沒有，還因香港政治環境轉變，曝露出更多潛藏問題，引起更大撕裂。

「這話甚難，有誰能聽？」

摘自《像樣的教會管理》

已經不記得是那一本書提到，說世界上大部份的宗教，當中的上人、大德、高僧、長老、聖人、尊師、導師等等，有許多說話及教導極為艱深難明，如果信眾自己不明白，傾向認為自己修為不足，悟性不夠，繼而努力精進，而不會怪責人講得太深。

給明光社Facebook管理員的一點建議

明光社陣營有無真係認真諗下，社會大眾針對他們，有時未必因為其道德立場。在自由社會，大多數採取不傷害原則，只要無犯法又無傷害到人，大致上都願意接受不同立場。我不會因為明光社的反同立場而認為他們要在地球上消失，大可以接受他們成為多元社會內的一種聲音。特別是我覺得，明光社在教會已經建立了一定名聲，在中年或夫婦間有相當大的號召力，再成立另一組織對抗未必是上策，亦頗違反基督教合一的教導。

明光社18週年研討會--明白他和她

找數真漢子，之前話左會去，當然唔會爽約。正所謂不入虎穴，焉得虎子，今晚就去左明光社18週年研討會。

首先，同福堂個禮堂冷氣超勁，我前面位女仕係凍到帶冷帽。至於出面街三十幾度，點解會有冷帽係身，呢樣野我無法深究。

二，之前有人問過男女比例。我肉眼就咁睇大約係1.5:8.5，女性出席率係壓倒性。

乜話！瑞士又要亂倫合法化？！

阿寶表示：「你班基督徒比人抖下得唔得呀！」

心水清的讀者，應該知筆者去年已經追查過這段所謂「瑞士倡亂倫合法化」的新聞，又一次結論寫在前頭，瑞士亂倫合法化已是五年前的舊聞，瑞士當局無意將血親亂倫非刑事法，法例至今仍未修改。

歡樂時光特別快，又係時間講bye bye (教會單身事工系列三十七 大結局)

眨下眼就到大結局，真係估唔到，加加埋埋總共寫左五萬字出黎。

除左結左婚嘅人要適應婚後轉變，其實身邊單身嘅人都好努力適應大家關係嘅轉變，尤其好似我呢D輕微亞氏保加症患者。你估我真係好鍾意一個人買飛睇戲咩，如果有人偶然陪下當然好過自己一條友啦，但係當我約黎約去，呢個唔係家庭聚會果時陪左外父外母去睇，果個就係同老公或者老婆睇左，約到套戲落畫都未約到腳。果一刻我就覺悟，我需要一D可以自我娛樂嘅新方法，而唔可能好似以前成日一大班人出黎柴娃娃。

對單身人士來說，比粗口更難聽的兩句話，連李嘉誠都認同！教會單身事工系列三十六

我好明白大家結婚同未結婚已經有分別，有時候我都會好努力去適應嘗試加入大家嘅話題，例如聽到大家去話報個乜爛鬼play group都要幾千蚊時，或者講緊點同你外母或奶奶相處時，我隨口答訕，咁就一定會有一句標準答案回應：

令人震驚的單身真相，連馬雲都害怕！ 教會單身事工系列三十五

你今日震驚左未？

差唔多尾聲，我最想講嘅係，獨身生活面對最大嘅挑戰同爭扎，並唔係空虛寂寞同凍。唔係大家睇得咁憂憂愁愁悽悽慘慘楚楚慽慽尋尋覓覓兜兜轉轉反反覆覆拖拖拉拉跌跌撞撞離離合合散散聚聚追追逐逐年年月月句句聲聲生生死死，唔係每逢大時大節就要灌醉自己，係條街大叫：「女呀~女呀~~~點解我溝唔到女呀~~~！」「情侶去死去死！」

真係要搞單身活動，有乜好搞？ (教會單身事工系列三十四)

其實教會係單身事工呢方面應該做D咩呢，我真係無一個好全面、好有方向嘅答案，呢個問題係教會可能積習咗十幾二十年以上，我話有辦法你都唔好信我啦，係咪。不過一D技術問題，我係有D諗法。

教會紀律搞乜鬼

會友長期停止聚會的紀律方案，其中一項是革除會籍，頗有喜感。
「而家係我飛你，唔係你飛我！」

如果在互網上打入「教會紀律」、「教會紀律手冊」、「會友手冊」，很容易就會找到一堆香港教會的紀律手冊。

• 中國基督教播道會教會紀律手冊
• 中華基督教會基道旺角堂教會紀律手冊
• 博愛潮語浸會信徒生活操守手冊
• 基督教香港崇真會紀律守則
• 浸信會宣道會明恩堂紀律章則
• 浸信宣道會聯會手冊
• 大埔基督徒會堂手冊

由於以全為網上公開資料，先假定可以公開討論，若有任何教會認為自己的紀律手冊屬於機密，只是意外地公開的話，請留言告知，我會即時刪走。

成功不必在我，功成其中有我 (教會單身事工系列三十四)

我寫親呢D野，就有好多人走過黎問我，究竟想教會點，然後就拋一套消費主義侵蝕教會嘅講法出黎，話教會唔係去滿足所有人嘅所有需要，教會只不過係一個人嘅組織。咁我都覺得啱，教會只不過係一個人嘅組織，佢唔完美同埋會犯錯。咁我又覺得，民建聯同經民聯都只不過係一個人嘅組織，咁點解我地因為等埋發叔恥笑左佢地咁多日？或者你係建制藍絲嘅話，熱血公民都只不過係一個人嘅組織，咁點解你又要鬧佢地搞亂香港？話佢地係熱狗。再唔係，假如你係熱血公民/本土派的話，左膠都只不過係一個人嘅組織，又駛唔駛窮追猛打呢。

如果你想係教會追女仔，不如去學PUA (教會單身事工系列三十三)

又要戴頭盔，我唔係完全反對教會對戀愛婚姻的教導，係出自聖經又好，出自傳統又好，出自民間智慧都好，總有一定道理，毋須全面拋棄，又嘗造創造一套「真● 基督徒戀愛婚姻觀」。凡事整過一套基督教版本出黎，係一件相當無聊嘅事，因為呢D基督教乜乜，好多時同坊間大同小異，而坊間果套，過去又有好多基督徒有份一 齊建設，滲透左好多基督教價值入去。即使未信都好，戀愛同婚姻嘅價值本身都好崇高，夾硬要整一套更好更崇高出黎，只會係擾民而徒勞無功。

徳國要亂倫合法化嗎？基督徒不可不知的真相！看後我驚呆了！

結論寫在前頭：德國無意將亂倫合法。完全是華文媒體斷章取義，標題殺人的做法。

因為美國同性婚姻的消息，突然有人挖出去年「德國亂倫合法化」的報導，來源還是很利害的「美國NBC電視新聞網引述一份報告報導」，以證明世風日下，道德淪亡，同性婚姻合法化後必然會導致亂倫合法化、孌童合化法、人獸交合法化。

基督教性鬥士

這幾天看見信徒在網上的討論，令人相當無奈。

教會為應付同運，過去一二十年大肆宣揚文化爭戰模式，培養了大量「性鬥士」，但他們論述貧乏，邏輯混亂，毫無同情心，動不動上綱上線，「非我族類，其心必異」，凡事以最極端的陰謀論去猜想對方，「同運亡我基督教之心不死」。美其名為「接納罪人不接納罪」，實際是「pour the baby out with the bathwater」，失去教會最大的標記：愛與寬恕。對於不同觀點沒有努力去理解，甚至不屑理解，擔心玷污自己，也不容許其他信徒去理解，怕會「絆倒別人」，只認為掌握了絕對真理，認為自己正代表神。