人生多少春與秋

 

不經不覺，個blog原來過咗十週年。寫咗481篇文，平均計差不多每星期有一篇，以一個無名無利無背照的業餘寫手來講，算係唔錯。不過近年因為生活重心的轉移，個blog幾近荒廢，對教會的種種，真係去到無野好寫。

 

當年開Blog原因，係因為原本呢類信仰文章係寫喺自己FB上面，然後同身邊朋友/教友引發好多爭執，自己所見以及所預視的事情，同大家有相當多落差。以致每次遇到大量教會SOP：

 

「唔係個個好似你咁諗。」

「與其批評不如建設教會。」

「沒有完美的教會。」

 

然後發覺每一次都沒法好好討論事情，然後找方法去處理。

 

剛好當時堂會搞擴堂，看完整個擴堂計劃超級不滿，幾經溝通無效下，最終萌生去意，放棄溝通。然後將滿腔的憤懣在網上發洩，結果卻發現，吾道不孤，和我有相同想法的人不少呀。

 

「我們再也回不去了。」

 

發現新天新地，然後再被信仰百川的編輯挖掘，踏上了這條信仰寫作的路。

 

也許我自閉的特質，我是偏好發表，而很少與讀者交流，去到信仰百川停辦時，才用馬斯特的名字開了FB，也沒有特別想經營。

 

後來才發現，原來係不同場合，都有啲人識我。最搞笑係join咗某個明星的tg group，因為用咗馬斯特個名，比人認出黎，問我係咪「你係間唔中就會出文講教會點唔掂既嗰個馬斯特？」。

 

到去年結了婚，完全合乎聖經的講法「沒有娶妻的、是為主的事挂慮、想怎樣叫主喜悅。娶了妻的、是為世上的事挂慮、想怎樣叫妻子喜悅。」生活重心的轉移，寫長文的心機越來越少。