係十幾年前誤入歧途，去咗一間壓力好大的公司打工。由於該公司係採用six sigma，每日review KPI，一旦唔達標的話，當日開會就要解話提供Action plan，所以每日都好緊張。係果到返工，一年係會有五年經驗，除咗OT到暈之外，發生太離奇古怪嘅事，係第二間公司做十年都未必遇到一單。
我第一個難關係產品發現金屬碎片比人投訴，大家當然好緊張，化身FBI去查，起初大家懷疑是由生產線上的喉管掉落，我甚至坐埋部剪刀式平台升自己上去檢查。結果，依然是一無所獲。
問題持續了數星期，咁啱生產線上安裝了X-光機，在測試X-光機的時候，意外在被排除的產品中，發現約2-3mm的金屬碎片，而且金屬碎片鑲嵌在某一種原料中，明顯地，異物是由於原料引入。
本來該原料係香港製造，因為節省成本改由內地生產商供應，但由於當時的公司是一間跨國企業，原料生產商的審核，並非由香港廠負責，而是由總公司的審核隊伍負責。審核隊伍立即再次到場進行現場審核。最後我只能夠從他們提交的審核報告略知一二，生產的廠房漏洞處處，根本就不具備生產安全優質的食材，但究竟他們當初如何通過審核，我們亦無從追究。
事後，我還天真地以為發現到問題核心而會獲得嘉許，塾料換來的是廠長一頓責罵，因為使用魚骨圖(人機物法環)分析時，太過著重於環境，而忽略了原料(物)的問題，被認為是疏忽，仲收到口頭警告，認為我第一次分析時應該要追踪到root clause。
第二單係開心果。
當年有產品用到開心果，咁開心果係有殼嘅，咁食品入面有開心果殼，食到就會咬崩牙，咁有個客就話自己食到咬崩牙，要我地賠返幾萬蚊佢補牙。
咁呢個棘手嘅Case又落咗去我到。
咁又去查啦，甚至查去到講食品科技的論文，發現，現時最勁的科技，都無可能100%揀得晒。
去問供應商，供應商只係保證一噸唔多過幾多塊果殼，問題係，當年公司買唔夠一噸，供應商連呢個保證都唔肯比。
返到黎用人手揀？當年無人肯比呢個人工同時間，再者100%sorting都唔會係100%準。
死胡同，無得搞。
將啲發現寫成報告，隊上去，當然比人鏟到仆街，因為無答案，無Action去解決件事，感覺好似係到推卸責任。
日後再大啲我先發現，呢類無辦法避免嘅風險，其實係要去買保險，由保險賠比人。或者由公司法務部同個客談賠償，唔知咩原因推咗件事去生產部，落去去一件小薯身上。
But it's way above my fucking pay grade.
沒有留言:
張貼留言