《漢書》霍光金日磾傳
初，霍氏奢侈，茂陵徐生曰：「霍氏必亡。夫奢則不遜，不遜必侮上。侮上者，逆道也。在人之右，眾必害之。霍氏秉權日久，害之者多矣。天下害之，而又行以逆道，不亡何待！」
乃上疏言「霍氏泰盛，陛下即愛厚之，宜以時抑制，無使至亡。」書三上，輒報聞。
其後霍氏誅滅，而告霍氏者皆封。人為徐生上書曰：「臣聞客有過主人者，見其灶直突，傍有積薪，客謂主人，更為曲突，遠徙其薪，不者且有火患。主人嘿然不應。俄而家果失火，鄰里共救之，幸而得息。於是殺牛置酒，謝其鄰人，灼爛者在於上行，餘各以功次坐，而不錄言曲突者。人謂主人曰：『鄉使聽客之言，不費牛酒，終亡火患。今論功而請賓，曲突徙薪亡恩澤，燋頭爛額為上客耶？』主人乃寤而請之。今茂陵徐福數上書言霍氏且有變，宜防絕之。鄉使福說得行，則國亡裂土出爵之費，臣亡逆亂誅滅之敗。往事既已，而福獨不蒙其功，唯陛下察之，貴徙薪曲突之策，使居焦髮灼爛之右。」
上乃賜福帛十疋，後以為郎。
語譯
漢宣帝期間，霍光位極人臣，一人得道，雞犬升仙，霍家權傾朝野，連皇帝也感如芒刺背。
起初霍家驕橫奢侈，茂陵有一個讀書人叫徐福，說：「霍氏一家必會敗亡，因為生活奢侈不會謙遜，不謙遜就會觸犯皇上，觸犯皇上，是違背正道的行為，在皇上的右邊(意思是地位很高)，很多會忌恨。加上霍氏掌權的日子很長，忌恨的人更加多，天下人忌恨你，而行為又不合乎正道，不滅亡還要等甚麼時候！」於是上疏說：「霍氏昌隆興盛，陛下若然是厚愛他們的話，應該適時抑制，不使他們滅亡。」上書三次，沒有回音。
及後霍家遭到誅滅，而告發霍家的人通通受到封賞。有人為徐福上書，說：「臣子聽過有人作客主人的家，看見他灶頭煙囱筆直，傍邊柴薪堆積，客人對主人說，將煙囱改曲，將柴薪拿走，不然的話會有火災，主人沒有理會。不久主人家果然失火，鄰里一同救火，幸運地得以撲滅。於是主人宰牛又拿出酒來答謝鄰人，因受到火傷的人坐在上座，餘下各按功勞坐好，惟獨沒有請叫煙囱改曲的人。有人對主人說：『假如你聽了客人的建議，不用浪費牛肉酒水，最後也不會遇火災。現在論功行賞宴請賓客，為甚麼建議你將煙囱改曲，拿走柴薪的人沒有任何答謝，而燒得滿身是傷的人反而成為上賓？』主人醒悟後便將人請來。
如今茂陵除福數次上書，提到霍氏將會叛變，應及早提防。假使徐福的講法得到實行，國家不用耗費土地分封爵位，臣子不會因叛亂敗亡遭到誅滅。過去的已成為過去，但只有徐福沒有受到應得的賞賜，希望陛下鑑察，看重徙薪曲突的建議，放於比焦頭爛額更重要的位置。」
皇上於是賜徐福帛布十疋，然後升為郎官。
故事講到呢到，好多記載曲突徒薪呢個成語，盛讚客人有先見之明，但似乎完全搞錯重點。大家要知一件事，古代嘅史書，唔係寫比一般人睇，而係專寫比皇帝睇，「有鑑於往事，以資於治道」，係叫皇帝從歷史吸收前人經驗，管理好國家。
個故事係講比皇帝聽，叫佢應該搵返最初預見問題嘅人，而唔係淨係顧住打賞班救火英雄。個故事更深一層其實係講，當時徐福要上書講霍家，風險亦唔細，如果皇帝唔獎勵返徐福，預先察覺問題並且夠膽講真話嘅人無著數，但係事後幫手救亡嘅人反而得到封賞，會發放出一個訊息，補鑊重要過防範。咁天下人見到國家有危機會忍住唔出聲，等出問題後，睇準機會先出黎做英雄，咁並唔係治國之道。
所以呢個故事，唔係叫人學徐福，而係叫人學皇帝，留意事先睇到問題嘅人，鼓勵佢地出聲，唔好下下爆鑊先補鑊，國家無幾多地可以封比人，大臣無幾多個可以誅九族。
大家有睇開呢個blog會知，我無意掩飾對現今教會嘅不滿，同時間亦惹來更多人的不滿同投訴。不滿聲音黎黎去去有幾款，最常見係話你淨係識批評，點解唔落水，然後如數家珍咁講自己嘅事奉經驗，之前我係暗黑兵法篇文都講過下。
拎返徐福個例子，如果有人見到徐福咁建議比皇帝，然後同佢講，你既然見到霍家將會自取滅亡，咁你自己又唔落水去處理霍家嘅問題，抑制霍家係朝中嘅勢力，淨係喺到鬧又有乜建設性。或者話徐福只係妒忌霍家，想抵毀霍家，係廢青辣殺。你聽到的話，會唔會覺得有D好笑。因為徐福一介書生，無權無勢嘛，所以佢做盡都係上書，提出自己嘅見解同預測，咁佢已經盡咗應盡責任。
觀察到問題事先提出，從來都唔討好，你睇舊約班先知有邊個有好下場，耶利米得到上主啟示，知道以色列人將會亡國被擄，叫大家悔改，或者上帝會唔降禍，講出黎咪比人打比人拉去坐監，有鬼人會聽咩。正如大家身邊總有一兩個朋友中咗傳銷，問你借幾皮野買個會籍，然後可以收下線，下線又再收下線，講到自己就黎做第二個馬雲，一定發大達。你話比佢聽傳銷呃人唔借比佢，佢仲以為你阻佢發達，眼紅佢搵到條搵錢大計，講多兩講朋友都無得做。呢D人其實唔駛點理佢，到佢有日眾叛親離無錢開飯，你借幾舊水比佢開飯，佢自然會當你恩人咁拜。
所以我諗通咗，我無得到上帝呼召，唔敢自詡咩時代先知，只係鍾意寫下野發下文，呼召罪人悔改歸向，改革教會呢D大事都係「我在這裡，請差遣佢」。既然咁多人願意落水，唔好阻人為主獻上，擴堂呀，搞囉；福音盛會呀，搞囉；青少年牧養，搞囉；教會改革，搞囉。日後見到有咩問題唔會再出咩聲，睇準機會等人仆街先訓身出黎救亡，咁先至有光環。
我發覺教會今時今日搞到咁，其中一個原因係，當一旦有人指出問題所在時，就有人衝出黎講「點解你淨係識得鬧，又唔幫手建設」，然後大數自己的事奉經驗，即係「食鹽多過你食米，行橋多過你行路」的耶教版本：「讀經多過你睇書，事奉多過你返工」，我真係見好少對準人地個問題黎回應，或者係唔認同下與之爭辯，指出對方錯誤。
教會成日話流失年青人，要比年青人空間成長，唔好話更green嘅年青人，小弟身為一位教會中坑，待遇都唔好得過班年青人好多，因為頭上仲有班六七十歲，打算燃燒一生報主愛的神僕，根本無得同佢地嘈。一有咩意見不合，佢就從二十歲蒙召經歷講起，一直講到而家，意思咪又係「你算老幾呀，我話得就得啦。」
總之，做到焦頭爛額有人欣賞，叫人曲突徒薪遭人嫌棄，有時間都係寫多幾篇萱體，寫多幾篇正能量，咁先會受到教會歡迎。
沒有留言:
張貼留言