呢兩日我諗緊D野。
就算無人講自己留意到，正正經經咁寫下文無人會睇，而果D「控訴」教會嘅文章係比較受歡迎，雖然有時我覺得，有D文章連評論嘅程度都講唔上，只係道出教會現況，係事實描述，有碗話碗，有碟話碟，見到人肥就話佢肥，咁我算唔算攻擊佢肥呢，真係好見仁見智，咁把口生係人到，我都無法。但咁樣否認唔到一個事實，就係呢類文章，總係能夠一呼百應，「些牙」者眾，呃like無數，就應驗了黃子華在棟篤笑上的說話： 「香港人最鍾意睇人仆街。」基督徒鬧教會真係滿足晒呢種心態，同時間可能反映出一個事實，就係呢D文章，道出左好信徒心聲，只不過係教會入面唔講得，一講就有煩惱。
就算無人講自己留意到，正正經經咁寫下文無人會睇，而果D「控訴」教會嘅文章係比較受歡迎，雖然有時我覺得，有D文章連評論嘅程度都講唔上，只係道出教會現況，係事實描述，有碗話碗，有碟話碟，見到人肥就話佢肥，咁我算唔算攻擊佢肥呢，真係好見仁見智，咁把口生係人到，我都無法。但咁樣否認唔到一個事實，就係呢類文章，總係能夠一呼百應，「些牙」者眾，呃like無數，就應驗了黃子華在棟篤笑上的說話： 「香港人最鍾意睇人仆街。」基督徒鬧教會真係滿足晒呢種心態，同時間可能反映出一個事實，就係呢D文章，道出左好信徒心聲，只不過係教會入面唔講得，一講就有煩惱。
Well， BTW， 今次我唔係想寫呢D野，而係每一次有人所謂批評教會，或者講出一D教會入面唔太受歡迎嘅事實，總會有人出黎為教會辯護，認為教會仍然有好多人默默耕耘，孜孜不倦，忠主所託，不計較被人無理批評同誤解(言則所有批評都係無理同誤解)，造就他人，一路走來，始終如一。亦都有人會講，批評係容易，實踐係困難，咁叻你咪去開間教會囉，你未開過教會點知管理一間教會有幾困難，或者話與其係制度外不滿嘈嘈閉，點解唔加入制度去改變。彷如你去完明將食壽司，就要立志成為一個壽司師父，改變呢個行業，否則你唔應該批評件壽司難食。
 |
| 明將招牌菜：紅豆軍艦 你如果覺得呢件野好肉酸好難食，咁你識唔識整壽司先，你會唔會考慮去明將個廚房做？ 如果無嘅話，你憑乜話人D野難食 |
我突然間諗，問題係咪就出現係呢到？
如果真係有咁多人默默耕耘，忠於所託，過去咁多年咁多人加入建制去改變建制，教會點解依然會係咁。係福音派成為本地教會絕對主流之後，有無曾經試過有乜野大復興大改革，信徒質素有咩可觀察嘅大幅提升，真係堅到可以改變社會風氣，抵擋到潮流歪風，真係Feel到有D分別為聖呢。睇唔到之餘，係香港現今政治環境下，仲見到好多大教會同教會領袖被政權滲透同統戰，係些少抵抗能力都無，繼而成為幫凶。睇返教會歷史，二十世紀後教會好多次乜乜屬靈運動、物物大復興，但到呢一刻講得出口，大家都知嘅，對上果鑊可能已經三十幾年前嘅第三波靈恩運動。教會入面個時空，彷彿滯留在係八十年代無更新過，唔單止係思想上，你有時返教會見到D傳道人，佢個外表、髮型、服飾同樣停留在係八十年代。M$都日日提你要update去Win 10啦，教會仲用緊DOS 5.0。
胡志偉牧師係前排世界閱讀日出左篇文《閱讀與牧養》，講信徒都唔熱衷閱讀，不閱讀則難開眼界。阿哥，二十年前我返教會時己經係咁架啦，果D十本好書計劃，到年尾埋數，成個團契有邊過睇得晒丫。而係閱讀風氣差呢個問題，二十年後睇黎毫無寸進，當中有乜原因，大家真係深究過然後諗辦法解決，定係一年到尾又係果句：「知識叫人自高自大，惟有愛心造就人」。
不過呢，鐘意睇書果D人，通常同時鐘意睇聖經，唔鍾意睇書果D人，一樣唔會睇聖經。果D讀經計劃咩一日睇三章，一年睇晒成本聖經，年尾有幾多人堅持得到，今時今日有幾多基督徒信主後，由頭到尾咁讀一次聖經都未試過呢。我遇過，我真係遇過有弟兄信左七八年同我講，見到字就想訓，從來無主動拎本聖經黎睇，話好深睇唔明，佢只係靠一個月唔知有無一兩次嘅雞精靈修書去接觸聖經，而佢唔係文盲，係讀過書出黎做野嘅人。定我地埋尾又係整一句：「教會係招聚罪人，唔係招聚義人。」所以信徒唔長進係好正常，甚至係好事，證明教會夠包容夠愛心夠多罪人。
我地好似淨係識怪果D行得前走得遠讀得書多閑時會掂下神學嘅信徒，係唔係都話佢地自高自大，話佢地絆倒人，話佢地鍾意埋D「小學」，從來唔去問下點解咁多基督徒信心咁軟弱，知識咁膚淺，咁易被絆倒仆街。
果班默默耕耘，孜孜不倦，忠於所託，不怕艱辛嘅屬靈領袖，同埋果班立志加入制度改變制度嘅偉大信徒，呢二三十年黎做過D乜呢？除左三五七時出黎講下世風日下，道德淪亡，同運有好大陰謀，亡我教會之心不死，話下呢代基督徒幾咁不濟，唔及上一代基督徒刻苦奮進，無咁愛主，講下佢地果輩信耶穌要幾咁犧牲，幾多付出，次次低頭祈禱都比係碟飯到加料，無得食神枱燒肉，男仔又無得圍埋睇咸書(要自己私下睇)。除左呢D野之外，呢二三十年黎大家做過D咩，去提昇信徒質素，改善教會風氣呢。定係從最好的方向諗，無佢地頂住雞頭，本地教會一早滅亡，一早冚家鏟呢？
你而家行入香港任何一間福音派教會，試問有邊間唔係咁：
不過呢，鐘意睇書果D人，通常同時鐘意睇聖經，唔鍾意睇書果D人，一樣唔會睇聖經。果D讀經計劃咩一日睇三章，一年睇晒成本聖經，年尾有幾多人堅持得到，今時今日有幾多基督徒信主後，由頭到尾咁讀一次聖經都未試過呢。我遇過，我真係遇過有弟兄信左七八年同我講，見到字就想訓，從來無主動拎本聖經黎睇，話好深睇唔明，佢只係靠一個月唔知有無一兩次嘅雞精靈修書去接觸聖經，而佢唔係文盲，係讀過書出黎做野嘅人。定我地埋尾又係整一句：「教會係招聚罪人，唔係招聚義人。」所以信徒唔長進係好正常，甚至係好事，證明教會夠包容夠愛心夠多罪人。
我地好似淨係識怪果D行得前走得遠讀得書多閑時會掂下神學嘅信徒，係唔係都話佢地自高自大，話佢地絆倒人，話佢地鍾意埋D「小學」，從來唔去問下點解咁多基督徒信心咁軟弱，知識咁膚淺，咁易被絆倒仆街。
果班默默耕耘，孜孜不倦，忠於所託，不怕艱辛嘅屬靈領袖，同埋果班立志加入制度改變制度嘅偉大信徒，呢二三十年黎做過D乜呢？除左三五七時出黎講下世風日下，道德淪亡，同運有好大陰謀，亡我教會之心不死，話下呢代基督徒幾咁不濟，唔及上一代基督徒刻苦奮進，無咁愛主，講下佢地果輩信耶穌要幾咁犧牲，幾多付出，次次低頭祈禱都比係碟飯到加料，無得食神枱燒肉，男仔又無得圍埋睇咸書(要自己私下睇)。除左呢D野之外，呢二三十年黎大家做過D咩，去提昇信徒質素，改善教會風氣呢。定係從最好的方向諗，無佢地頂住雞頭，本地教會一早滅亡，一早冚家鏟呢？
你而家行入香港任何一間福音派教會，試問有邊間唔係咁：
- 籌緊錢擴堂
- 唔少傳道人上台講道唔知講緊乜
- 祈禱會無人返
- 信徒讀經生活好差
- 靈修要睇雞精書吊命
- 祈禱好D
- 閱讀風氣好弱
- 崇拜好多人遲到
- 團契好悶無得著，係返去見下朋友
- 分唔到陳雲同陳雲海
點解教會入面，對有權有勢(甚至有埋錢)嘅領袖百般寬容，永遠用最善意的方向同佢地解釋，「佢地都唔想嘅，佢地都有好多限制，佢地盡左力架，教會係一個罪人嘅群體，唔能夠滿足晒所有人(下刪三萬字)。」總之千錯萬錯，教會沉淪唔係佢地錯。
而對果D信徒無權無勢嘅信徒，真係忍無可忍呻講幾句之後，我地又唔介意用最凶狠最惡毒嘅誅心之論同陰謀論去睇佢地：
而對果D信徒無權無勢嘅信徒，真係忍無可忍呻講幾句之後，我地又唔介意用最凶狠最惡毒嘅誅心之論同陰謀論去睇佢地：
你寫信與不信是否必須同負一軛；
他們回應：「你一定係想比借口自己同非基督徒拍拖，放縱情欲。」
你寫教會領袖權力過大嘅問題；
他們回應：「你一定是無法打入教會權力核心，妒忌才口出怨言。」
你寫教會對同性戀的態度太不寬容；
他們回應：「你很想要吧。」
你寫崇拜講道水準下跌；
他們回應：「你唔謙卑，不願意順服聖靈的帶領，你係愛主就唔會覺得講道有問題。」
你寫教會單身事工；
他們回應：「你淨係想溝女之嘛。」(我認呀！)
你寫教會會否太遷就已婚信徒；
他們回應：「你未結婚生仔，你唔明架喇。」
你寫教會應該善用金錢：
他們回應：「你有無十一奉獻？」
你寫教會應該善用金錢：
他們回應：「你有無十一奉獻？」
就連寫點讀經心得；
也會有人回應：「這是驕傲，英雄主義作祟。」
我唔一定要教會遷就果班不滿嘅人，有D不滿未必有道理，但將教會所有問題，怪罪返係佢地身上，又公平咩？
呢篇文相信又會得罪好多人，不過我介意唔黎。
如果作者所返的教會是有你所講的所有現象，只能說你不幸。但有不少教會也不是這樣的。但你的觀點也有不少問題，人看事情的角度不同會得出不同的結論，但我認同今天教會領袖要反醒福音在現今世代有什麼意義，還有什麼吸引人走進教會。
回覆刪除對於一個現象的演譯與傳釋，往往是是由情緒而不是理性帶動，對於正反相方皆然。有了情緒就有立場，亦有了盲點，只有自己看不到。
回覆刪除話明是分享文章，難免會加入個人主觀的感受。有時，感受又好難用對錯去評論的。在我個人而言，又覺得可以接受，當中所講的都是一些實況片段。我相信，看得見才有機會面對，才有機會改變，當然，改變永遠都有需要，所以，不要灰心，可以改的就改，改完了，不滿意亦可再改，今日改不到，就等著明天去改，總之，大家都是有心人，加油。
回覆刪除除左三五七時出黎講下「世風日下，道德淪亡，同運有好大陰謀．．．」
回覆刪除正正證明這些人平時不是少看聖經，就是人云亦云、牧云亦云。
聖經何曾論及什麼世風、什麼道德、什麼同運／反同，以至什麼反同居、什麼反婚前性行為？全都是無中生有。
聖經明明（甚至常常）談及的，例如公義、慈愛、憐恤貧窮等等卻不知溜往哪裏。看看多少這邊廂滿口「道德」的堂會，那邊廂竟隆重不歡迎窮人！
至於那些河蟹教會，可曾記起第一和第二誡，又可曾認識主耶穌的教導「你們不能又事奉上帝，又事奉瑪門」？
區區平信徒而覺得有需要「控訴」教會，如此教會之墮落之糟糕，可想而知。福音派、基要派等等保守教會最醜陋的地方，就是「樑木與刺」的問題：一味指責別人「醜陋」，對自己的醜陋卻不認，也不知。
最後，「我突然間諗，問題係咪就出現係呢到？」
「呢到」是否「呢度」的筆誤？