新聞一
惡名昭彰的影音使團，新project《絲路福音‧大愛無疆》紀錄片，終於出左第一期R水計劃，先盛惠300萬澳元(折合約1600萬港元)。
新聞二
社區飯堂樂天倫「斷糧」臨倒閉 基層兒童憂「無飯開」
「浸信會愛羣社會服務處服務經理羅景森稱，機構半年間多次申請資助，卻未有消息，盼盡快籌得75萬元的一年營運費，起碼保着餘下兩家飯堂，繼續為基層小朋友送暖。」再講多個震驚十三億人的消息，影音使團一年預算，係高達6800萬！！！
即係講緊咩？影音使團一年預算，夠社區飯堂足足營運九十年半！係九十年半！九十年半！九十年半！而當中最大支出，就係營運創世電視，錄影廠連製作節目達總開支79%，5280萬！每一日要燒14萬幾黎維持。創世電視莫講話無辦法打入非信徒群體，我相信連基督徒亦絕少人會收睇，就問下你身邊D基督徒，知唔知創世電視係邊個台播？(答案在文末)影音使團咁多年黎，有無公佈過收視有幾多人睇？
我地又睇下呢個一年耗資五千萬嘅電視台有乜野睇。
睇到24小時入面，好多係不斷重播又重播。
而係重播又重播之中，有好多「節目」，其實係講道錄播，就好似呢條片「《靈情日記 - 舊約》- 第749集﹕絕望中仰望上帝」，一個人一個境，加幾張powerpoint講半個鐘。我唔敢話所有節目都只係呢種質素，因為我真係無睇，但明顯地，影音使團根本無能力製作足夠節目維持廿四小時廣播。是否有必要花費巨款維持，相信精明的讀者心裡有數。
返睇影音使團年報，再睇到一個震驚七十億人嘅消息，原來挪亞方舟國際事工仲未摺埋！2014年仍然有近六百萬收入！
挪亞方舟國際事工成立以來支出
2014 $5,913,000
2013 $3,047,000
2012 $7,822,000
2011 $8,713,000
2010 $9,807,000
2009 $16,549,000
2008 $18,423,000
2007 $3,437,000
總計= $73,711,000
七千幾萬，夠社區飯當開一百年！開一百年社區飯堂會吸引多D人信主，定拍幾套謊舟紀錄片呢？我唔識講。
答案：創世電視在三個平台中播放，包括有線電視15台、香港寬頻bbTV719台、NowTV 545台
這個什麼陰影便團，目的昭然若揭若揭，只有三個：
回覆刪除（１）斂財；
（２）斂財；
（３）斂財。
什麼「事工」，聽到也要嘔吐大作。