警告!

本人並沒有接受過任何正統神學訓練,所有發表內容,全屬個人信仰心得及教會生活經驗分享,敝blog負能量爆燈,如閱讀時感到不適,或出現任何不良反應,包括痰多咳嗽,夜睡不寧,神經緊張,潮熱汗出,心煩多疑,踎身起身見頭暈等徵狀,請即時停止,並向專業人士尋求協助。

2015年5月25日 星期一

信徒離開教會的原因


因為要應驗經上記著說:「凡有水的,就應當抽」

比返個credit陶傑先。
原文:https://www.facebook.com/tokit.channel/posts/879627745443083

有朋友問我對近日信徒出走教會有何看法?

信徒離開教會,過去不少,為甚麼近一兩年好像一回事,大家都不斷談論,冰封三尺,非一日之寒,信徒出走,其中一個原因,是教會領袖長期移動道德和信仰龍門。


1.當你唔熟聖經,唔理解神學,佢叫你多花時間鑽研。

2.當你花時間鑽研,佢同你講知識叫人自高自大,要有愛心,惟有愛心能造就人。

3.當你研究聖經原文,佢同話你浪費時間,原文唔重要,要了解當中精義,不能單憑字面。

4.當你話律法精義要愛人如己時,佢同你講聖經黑字白紙寫明同性戀係罪,無得傾。

5.佢一邊怪責信徒唔關心教會,當有信徒關心教會發展,問點解要成十億擴堂時,佢地又怪責人太多事太多聲音,不要怕,只要信。

6.當你話,所有人都係罪人,連一個義人都沒有,佢地認為,不信嘅人比佢地更有罪。

7.當教會領袖犯錯,佢地話唔好論斷人,唔好掉石頭,唔好因為犯錯而抹殺佢嘅教導,普通信徒犯錯,有一系列嘅教會紀律!

8.佢地叫你順服在上當權者,到佢地利益受損,又帶頭號召示威遊行,反對政府。

9.佢地話教會唔應該講政治,唔准提雨傘運動種種,但佢地又樂意請基督徒高官及建制派議員講見證。

10. 佢地話世界墮落之後,信心唔應該放係人身上,要定睛看神,不要看人,佢地同時又覺得,只要向更多政府高官傳福音,更多統治者信耶穌,社會就會變得更好。

還有許多許多、許多許多。

這就是人離開教會的原因,佢永遠是對的,一切都係你錯。


8 則留言:

  1. 11, 當你決定離開教會時,佢同你講教會都係罪人聚集的地方,你應該為到教會祈禱,寬恕教會,而唔係離開.

    回覆刪除
  2. 你好,我是《經濟日報》旗下網站topick新聞的編輯,請問可否允許topick新聞轉載閣下此篇文章,我們可註明出處及鏈接,期待你的回復!
    han kwong

    回覆刪除
  3. 給 Han Kwong,
    你的留言我已經看到,文章可以轉載,註明出處及鏈接即可。
    多謝捧場。

    回覆刪除
  4. 「唔係個個好似你咁諗。」
    「咁你有乜建議。」
    「我地要對神有信心。」

    回覆刪除
  5. 教会经营得差不等于我们因此要背弃信仰

    回覆刪除
    回覆
    1. 但信徒生命無可避免受到教會經營影響

      刪除
  6. 心理學裏, 有理論指出當人面臨互相矛盾的「雙重束縛 (double bind)」的時候, 患上精神病的機會便會大大升高.
    教會中人經常「信口開河」, 令人無所適從, 實在不負責任.
    (參: http://en.wikipedia.org/wiki/Double_bind)

    回覆刪除
    回覆
    1. 近日, 我就由教會不同人士, 收到一系列矛盾信息, 因涉及我的核心價值, 令我苦思多日, 無法解決. 太困擾了, 結果要停止聚會,
      會否再開始, 尚未決定. 健康是首要考慮.
      你可以對我說:「做人何必太認真?」可惜, 性格有先天成份, 我家族裏, 所有人都很認真.
      羨慕那些可以凡事差不多的人, 可能他們因此會平庸地過一生, 但起碼他們有快樂.
      不過, 如果教會上上上下下都充滿凡事差不多、做事不加思索的人, 這又健康嗎?

      刪除