鑑於近日基督教領袖醜聞多起，信徒應對時亂作一團，令外界感到教會不夠合一，有失基督見證，故特意編寫本列表，供弟兄姊妹使用。各人可按需要，憑聖靈感動，自由組合。
- 呢個係魔鬼嘅攻擊。
- 呢個係上帝嘅試探。
- 呢種係屬靈爭戰，撒旦要打擊牧者，破壞信徒嘅信心。
- 呢個係不信傳媒嘅攻擊，破壞教會合一。
- 我地要定睛看神，唔好睇人，因為人會叫人失望。
- 係人都有錯。
- 你唔可以論斷人。
- 我地要對神有信心。
- 呢個時候，我地更加要為牧者祈禱。
- 只有神可以定罪。
- 只有神知道。
- 神係公義嘅，神必掌權。
- 因為係領袖，受嘅攻擊就更多，我地更加要支持佢。
- 佢有錯，我地大家都有錯。
- 佢無錯，係身邊D人無適時提醒佢。
- 而家都未審，點可以話一定係佢錯。
- 即使審左又點，法律唔可以出錯。
- 即使法庭無錯又點，難道我地唔應該接納罪人。
- 我地唔應該抹殺佢之前的供獻。
- 我信佢係無辜。
- 我認識佢好多年，佢係一個又熱心又仁慈又關心弟兄姊妹o既好牧者。
- 你又唔係佢教會的人，你憑乜野講說話。
- 佢只要對受過佢傷害的人交待，唔關其他人事。
- 世界本來就唔喜歡真理，唔喜歡教會。
- 我地要合一。
- 讓我們集中力量應付外面的敵人。
- 神自會審判，唔到你去理。
- 你咁講法太負面，我地要正面去睇件事。
- 你係咪基督徒。
- 你係咪得救重生嘅基督徒。
- 你係得救重生嘅基督徒就唔應該質疑。
- 你知唔知佢帶過幾多人信主。
- 你帶過幾多人信主。
- 當中有神嘅美意。
- 你們當中沒有罪，就拿石頭打他。
- 我唔同你講。
- 你點可以攻擊神的僕人。
- 神已經饒恕左佢，你點可以定佢罪。
- 呢一刻最重要係禱告守望。
- 凡事都可行，但不都有益處。
- 佢都認左錯你仲想點。
- 阿們。
沒有留言:
張貼留言