係二零一五年五月十四日，恩福堂出左份聲明，一口氣炒左三個人，當中包括今次主角何錦除，何楊玉蘭師母(何的妻子)及陳文祥，指控何錦除冒簽文件、串謀詐騙教會及虧空公款。最令人驚人訝係，指控咁嚴重兼係刑事，恩福堂無報警，而係私底下花左成百萬去調查，但連自辯機會都唔比何錦除。
牧師控恩福堂無理解僱 反被指冒簽文件及詐騙
福音派經常自詡無基要派咁古板盟塞，不會照經文字面意思，斷章取義地理解及執行，而是深入理解當時歷史文化背景，仔細查考前文後理，截取當精義。但實際上，就好似恩福呢單野咁仲夠膽死寫信比法庭話「教會內紛爭，不應交給『地上的法庭』處理」。根本就係依字面意思，繞過二千幾年時間同文化演變，直接應用哥林多前書 6章1到8節，慳返解經釋經。
以為香港教會領袖經過K小姐件事後，會學精左少少，原來依然戇鳩鳩蠢撚過隻豬。(我知我語氣重左，我唔應該咁形容D豬。)
如果保羅呢個教導係universal truth，係自古以來聖經真理不可分割的一部份，可以穿越時空地理，任何處境都適用的話，咁使徒行傳25章入面，保羅做乜又要上告凱撒，要求比不信的人去審自己呢，咁樣講係咪保羅自打咀把呢？
睇返哥林多前書6章前文後理，整段經文應該係始於5章1節，保羅聽到哥林多教會有人娶左自己繼母，鬧話地做乜唔趕走呢個人，之後再補充仲有邊D人唔應該同佢地交往。再之後先到6章1至8節呢段，不應在不信主的人面前求審。咁根據前文，保羅似乎仍然討論緊5章入面嘅事，即係娶繼母、淫亂、貪婪、拜偶像、辱罵、醉酒、勒索，呢D教會內道德不容許嘅事，唔應該由外人審，而係交比聖徒同智慧人審，唔係叫你乜都唔比報官。
好似恩福呢單野咁，咩叫「教會內紛爭，不應交給『地上的法庭』處理」，係咪即係如果有個基督徒，星期日拎兩把牛肉刀衝入恩福堂開無雙，斬傷斬死幾十人。恩福堂負責人係咪唔會報警，因為教會內紛爭，唔輪到地上法庭處理，要自己開庭，再花幾百萬去聆訊呢？再自己起座監獄出黎？
喂呀，處理呢件事班人，已經係教會入面最高層果班，水平都仲係咁，無眼睇。
同場加映
恩福堂因錢銀問題出事，已非首次。
沒有留言:
張貼留言