改自約翰福音19:1-24
於是，彼拉多叫人就捉左耶穌去扎棍。
班古惑仔用鐵絲整左頂皇冠，笠落佢個頭到，又整件披比佢，就係佢面前，話：「長命百歲呀，社團阿公。」然 後就扯佢兩巴。彼拉多出黎對住班社團人士講：「睇X住呀，我帶佢出黎比你地望下，比你地知我就查唔到佢有乜景轟。」耶穌行過黎，載住個笠，披住件披。彼拉 多就講：「擘大對眼睇清楚，就係呢條友。」坐館同紅棍一見佢，就大聲話：「家法侍候！家法侍候！」彼拉多對佢地講：「你地家法侍候係你o既事，我乜X野都 查唔到。」坐館班人就話：「刁那媽，我地自己有家規，佢呢鑊死X硬，佢夠薑話自己係阿公頭馬，食屎啦。」
彼拉多聽到，即刻拗晒底，返入間館，對耶穌講：「喂，靚仔你邊瓣架。」耶穌唔X騷佢。於是彼拉多又開聲：「你唔撚出聲就得架喇而家，你知唔知我可以話事放左 你，又可以叫人隊冧你。」耶穌答佢：「講呢D，唔係阿公睇你頭，你郁到我一條毛？邊個篤我出黎佢第日就受硬。」彼拉多其實想放左耶穌，但班社團人士話： 「你夠膽放左佢，你就唔係凱撒哥自己人，邊個自己楝支旗出黎就係二五仔。」
彼拉多聽完之後，就 的左耶穌出黎，到左一個地方，叫「D地磚好X靚果到」，圍內人叫厄巴大，就係果到開壇。果日，就係社團節慶前一日，大約正午。彼拉多對班社團人士講，「比 你地睇，呢個就係阿公。」佢地就大叫：「隊lum佢啦，仲講，一於執行家法。」彼拉多話：「係咪真係要搞鳩呢件阿公先。」坐館話：「除左凱撒哥，我無第二 個阿公。」於是就交左耶穌比佢地家法侍候。
佢地就夾左耶穌出去，耶穌揹埋架生出去，到左一個地方叫「骷髗地」，班古惑仔叫果到各各他。佢地就係果到對耶穌執行家法，仲有兩條茂利一同受靶，一個左邊一個右邊，耶穌係中間。彼拉多又寫左個牌，上面寫 住：「社團阿公，拿撒勒耶穌。」有好多社團份子都睇到塊牌，因為耶穌受靶的地方近旺區，而且塊牌係用繁體、簡體、英文寫成。社團坐館就同彼拉多講，「咪X 寫『社團阿公』好喎，要寫就寫『佢話自己係社團阿公』。」彼拉多答：「寫X左就寫X左。」班古惑仔家法侍候完耶穌，將佢D衫褲鞋襪分左四份，一人一份。佢 地又除左耶穌條kevin kline，條底橫就一件過。佢地就話：「不如猜包揼分左佢。」
佢地就講：「撕爛左無X用個喎，不如搓包剪揼，贏左就拎左去啦。」
沒有留言:
張貼留言