近排多野寫，上回都唔記得講到去邊，有與趣就自己搵返上回黎睇。
對比於教會內女性對另一半嘅要求，相反，據我所見，大部份男仔對呢個所謂家庭男女角色定型嘅問題都睇得好開，好多男人今時今日都唔介意另一半比自己強，比自己更愛主，賺錢能力比自己好，係家庭中擔任較重要位置，即係，搵到個比自己本事嘅老婆，都係本事之一，正如葉問咁講：「呢個世界無怕老婆嘅男人，只有尊重老婆嘅男人。」
對比於教會內女性對另一半嘅要求，相反，據我所見，大部份男仔對呢個所謂家庭男女角色定型嘅問題都睇得好開，好多男人今時今日都唔介意另一半比自己強，比自己更愛主，賺錢能力比自己好，係家庭中擔任較重要位置，即係，搵到個比自己本事嘅老婆，都係本事之一，正如葉問咁講：「呢個世界無怕老婆嘅男人，只有尊重老婆嘅男人。」
再者，而家香港，有邊個家庭唔係公一份婆一份先生活到，好多決定，都係一齊去有商有量，而唔係話邊個做一個明顯領導角色，試問，有幾多老公同部相機買支鏡，唔駛財政大臣審批？家庭入面可能係睇各自長處係邊，無一個絕對主權，例如買家電可能由老公負責，去邊到旅行就由老婆話事。
要個男仔事業有成，風度翩翩，英俊瀟洒，溫柔體貼，專一唔花心，沉默寡言得黎又要風趣幽默，成熟穩重得黎又要活潑好動，身高180cm以上，BMI指數19-24，屬靈程度又要好好，我無話基督教入面無呢種男人，每幾十年都可能有幾個咁啦。
我唔係立亂叫班姊妹降低自己要求，人對自己終身伴侶有要求係好正常。
只不過好奇怪係，教會最少呢十幾二十年黎，都無跟上時代轉變而作出更新，無乜處理過呢種男女因社會地位角色轉變，而產生對伴侶要求上嘅落差，仲不斷咁重覆過去嘅教導，以不變應萬變。
家庭價值真係「一夫一妻、一男一女、一生一世」咩，其實係五個一先真「一夫一妻、一男一女、一人工作」。仲要男主外，女主內，結婚後一定要生仔，否則家庭就唔完美，最好老婆唔駛做野留係屋企相夫教子。
真人真事我有朋友就被傳道人勸要快D生仔，生仔後老婆最好就唔好再做野，否則會影響夫妻關係，我朋友神回覆：
我老婆唔做野，
屋企唔夠錢駛
就真係會影響夫妻關係喇！
就真係會影響夫妻關係喇！
教會強調一軛論之餘又完全唔理會教會內男女比例嚴重失衡，我唔聽我唔知我唔理你一定要嫁個基督徒，否則我唔同你證婚，唔借教堂比你，唔出詩班，唔比借詩班袍(1)。最近例就有屈機王沈旭暉結婚時，因為佢唔係信徒，比佢老婆教會D人杯葛。
但有時真係吹教會唔脹，久唔久又整個陳敏兒同廖啟智咁嘅見證，話比人聽只要堅持落去最後都OK，你老公最後都會信主，仲可以週圍去講見證，比班姊妹保持住呢份渴望同希冀，比佢地相信世上有一種幸福可以垂手可得，又永遠係掌握之外。
教會可唔可以唔好再折磨班姊妹呢。
「我太太係教徒，而我好厭惡宗教傳銷。佢嘅教友因為我唔係教徒，而唔准我哋結婚，有一大批人更杯葛唔出席婚禮。佢best friend因為我唔係教徒而拒絕做伴娘，我心諗，我媽（Simon母親都是教徒）都未出聲，你班「茂利」憑咩出聲？我到而家條氣都好唔順，你哋憑咩去comments其他人嘅私生活，所以我對呢一type思想嘅人十分之反感。當然，並非每個教徒或教會都係咁，但好多時用一個方式，去搵到自己喺現實社會搵唔到嘅重要性，重新建立一個hierarchy，咁其實十分之虛偽。我同佢講過好多次，但每次都係嗌交。所以，算！」
沒有留言:
張貼留言