愛在公主病蔓延時(教會單身事工系列十八)

 

上一回講到教會公主病風行，可以舉幾個例，我遇過一位姊妹，強烈不接受追求者年紀細個自己，唔係講緊差十幾年果D，係講緊差一日都唔得，一定要對方大過自己。我亦遇過有女仔，一定唔接受對方矮過自己(所以李亞男真係一位好姊妹)，信與不信呢D已經當係 default 唔好講。

最普遍聽到，係絕對不接受女仔先採取主動，講緊主動，唔係叫你「腿張開」果種，唔係叫你 send 個 message 去 flirt 個男仔，問佢知唔知你今日著乜顏色底褲(default 係無著)。係連 whatapps 主動叫聲早晨都接受唔到，一定要個男仔先主動，更唔好講主動約人出黎食飯睇戲。雖然咁講，又同時唔見得有人 send message 一定會覆，有人約佢地食飯睇戲一定會出黎。

好似舊約咁，係教會入面，亦會出現偶像崇拜，會撞到好多假扮光明天使嘅觀音。雖然香港唔駛服兵役，但香港男仔或多或少都當過兵。不過而家年紀大左，對聖經熟左，靈性又高左，自信心返翻黎，分辨假神偶像嘅能力強左，一旦有人同我講句：「如果我第時個男朋友有你一半咁就好！」我就運用權柄驅鬼，同佢講：「魔鬼，退去罷！」

同市面一般港女一樣，教會唔少女仔，當佢發現你唔係佢目標時(多數用你外貎身形判別)，連朋友都唔會同你做(得喇得喇，我知男仔都有嘛)，Send 個 whatapps 比佢講聲早晨，諗住傾幾句，就好似睇完套Interstellar咁，明白左乜叫黑洞，黑洞就一個吞噬一切資訊嘅地方。一大群人出黎食飯，影左幾張集體相，諗住 tag返人，有人都可以唔accpet個friend request，連facebook friend都唔做。咁有D叫做Friend左，有一定來往，之前又做晒咩祈禱睇書集體活動，試下約佢出黎單獨食餐飯，我遇過有幾個情況：

一、比人直接放飛機；

二、出到黎先知佢帶左幾個朋友出黎，早響我都帶幾個frd黎嘛。

三、無答應到黎定唔黎，索性無覆到個message。

四、約黎約去永遠都係唔得閑、約左人、屋企有事 

當然年紀大D我就明，呢D都係對你無興趣(以及我吸引力不足)嘅表現，唔駛太放上心。所以我有時覺得教會如果搞單身事工，應該教埋「如何拒絕人而不失霸氣」以及「如何被拒絕後不失霸氣」。令到大家拒絕人時唔好覺得唔好意思，可以成熟地清楚地表達自己的想法，唔駛咁多小動作又放人飛機又盛，做埋一D連一般社交都視之為極無禮貎嘅舉動，浪費大家時間。被人拒絕又可以快D理解對方不過視你為朋友，可能更加連朋友都唔係，無謂浪費彈藥，儘早重拾自信，轉移目標，建立正常良好嘅兩性關係。