訪問晉惠帝--向墳場新聞致敬

昔天下大饑，人相食，晉惠帝聞之，曰：「何不食肉糜？」

今樓市大升，尺土寸金，紈絝子弟聞之，曰：「何不少往東瀛？」

由於近日一篇關於劉巒雄公子劉鳴偉的報道，當中他提到月儲三千可買樓，只要睇少啲戲，去少啲日本，令到晉惠帝的名句「何不食肉糜」，再次傳遍互聯網。

自古以來均有不少史學家指出，晉惠帝司馬衷智力可能有問題，即時廣東話中的「低能仔」、「弱智」，才會說出這種荒誕不經的話，亦有人說惠帝因捲入官廷鬥爭之中，裝瘋扮傻，明哲保身，畢竟他先祖司馬懿也用過這一招來算計曹爽。

有幸請到晉惠帝訪問，彌清這個千古之謎。

馬斯特：「皇上萬安，對於史書有傳你是『甚愚』及『土木偶人』，有何回應。」

惠帝：「………………….」

馬斯特：「皇上，皇上，即係有人話你係低能仔呀。」

惠帝：「低能仔，低能仔。」

馬斯特：「皇上，皇上，即係話你係弱智喎！」

惠帝：「係弱智，係弱智。」

馬斯特：「皇上，咁你究竟有無講過『何不食肉糜？』」

惠帝：「食肉糜，食肉糜。」

馬斯特：「你有無講過呀？」

惠帝：「講過，講過。」

馬斯特：「你真係有講過，真架？」

惠帝：「真架，真架。」

以上就是當日訪問筆錄，可以看到惠帝親口承認自己是低能仔及弱智，並且有說過「何不食肉糜」這句話，在一千七百幾年的今天，終可以為這樁千古疑難結案。