消費陷阱你要知 遇騙投訴莫遲疑

教會單身事工系列之十一

投訴熱線：(852) 29292222

係搞呢D單身事工之時，傳道人成日諗埋一面，覺得可以趁事奉合作，等大家深入D認識，結果明明係一個so called 單身事工，就會變左去機構服侍，變左做去義工。我無話去做義工唔啱，我無話服務社會唔啱，但根本就唔係參加者最原先嘅期望嘛，未必適合到佢地，套返我係教會成日聽到果句，「唔係個個都鍾意，唔係個個都好似你咁諗架嘛！」

即係舉個例，你有無諗過畀錢去speed dating，結果個活動係去左探老人院探弱智人士中心，個搞手仲同你講，你可以從佢對老人家同弱智人士嘅態度更深認識對方，如果係咁，你會唔會考慮去消委會告佢？

我只不過諗住黎逢場作戲，唔係，係交朋結友啫，我無諗過要承擔一份使命架！咁D人就梗係中途走左去啦，永世都唔再黎啦。

就算大家堅持到最後，真係好理解對方性格，咁又點呢，咪就係只係理解對方性格囉，大家有無聽過一句，「因誤會而結合，因了解而分開」，咁一開頭就要佢地了解晒，咁咪無下文囉！

再者，我真係真係真係真係好想同D傳道人講，你覺得D人係響事奉當中互相認識而走埋一齊，定係有人一早已經有晒目標同打算，然後先去參加果個事奉黎接近心儀對像呢，兩者機會邊個高D。會唔會太低估人性？有無太低估D男性為左交配而衍生出黎嘅能力。

TED：野生動物交配千奇百怪
http://open.163.com/movie/2014/7/0/E/M9UR06H6C_M9UR4JA0E.html

少年，你太年輕了，你估我未見過有人連返崇拜都唔穩定，但就一年去幾次短宣，結果就係短宣隊入面搵到人拍拖！嗱，我唔係話佢錯，而係話傳道人會唔會太天真呢，以為一齊事奉就可以發展出關係，然後就掉D人一齊去事奉，無諗過佢地適唔適合。

(以上為舉例，只為加強文學效果，如有雷同，實屬家門不幸)

(待續)