寫左成萬字，呢D大概就係我係教會參加過無數 so called 單身事工、戀愛講座/工作坊、乜乜七七嘅真人真事，親身經歷，改編而成，真係字字血淚，句句辛酸。明明係 so called 單身事工，或多或少唔多唔少多多少少都應該有D期望人可以遇到生命中另一半，但當我寫左萬九幾字之後，讀者有無發覺有邊幾樣野真係幫到手呢。
我去過一個 so called 單身事工，講到明唔鼓勵你私下拎對方聯絡方法，有需要先聯絡自己教會牧者，再由自己教會牧者，聯絡對方教會牧者，然後由對方教會牧者再聯絡佢，仲慘過以前盲婚啞嫁，要父母之命，媒酌之言，要搵個睇相佬黎對下大家時辰八字。做乜件事搞到咁複雜呢？大家出黎識下朋友，抄個牌，add個FB，或者遠古時代問人拎個ICQ，有幾咁閑呢？
教會搞手等又絕少會認真去檢討，本身個活動搞得爛，令到大家卻步，但佢地又好自圓其說咁覺得活動唔受歡迎，係因為大家無需要、怕標籤，或者就依例好感謝神、好感恩，我地做得唔好，但神會幫我地執手尾等渣渣圈式言論。所以就唔諗住認真檢討改善，期望下一次搞得更好，好快就唔再搞，所以D單身事工好多時都係斷截禾蟲，每隔一段時先搞一搞，搞完又無下文無跟進無檢討無改善，隔幾年又loop過，人類總要重覆同樣的錯誤。
(待續)
主流教會搞這些東西，從來也是浪費金錢，浪費時間的垃圾。
回覆刪除莫講收費，貼錢給我也要看貼多少才考慮！