教會單身事工系列之四
(你今日震驚左未！)
第二日朝早就安排個workshop，通常都係D性向測驗，例如九型人格或者係MBTI，然後講下每個性格有乜優點缺點，適合邊一類人。好似你重來成三十幾四十歲人都未認識過自己，從來都未做過性向測試，等你可以重新認識自己，或者覺得你做多幾次九型人格之後，就發現自己由一號，變左做九號，係唔可以搭個八號。
第二日朝早就安排個workshop，通常都係D性向測驗，例如九型人格或者係MBTI，然後講下每個性格有乜優點缺點，適合邊一類人。好似你重來成三十幾四十歲人都未認識過自己，從來都未做過性向測試，等你可以重新認識自己，或者覺得你做多幾次九型人格之後，就發現自己由一號，變左做九號，係唔可以搭個八號。
下畫通常就請有份量嘅外來講員，對住一班無拖拍，亦可能從來未拍過拖嘅人，講下《基督徒談戀愛要注意的十件事》，等佢地一旦有拖拍時就要記緊唔好同對方單獨去旅行，拍拖時唔好去太過偏辟嘅地方，對方得一個人係屋企時就唔好上去探佢，唔好同埋一間房換衫，唔好送過份貼身嘅禮物例如內衣褲，接吻時唔好隊條脷過去咁呀，有性衝動就不如飲杯凍水先呀。其實所有呢D教誨都只有一個目的，簡單黎講就係叫人唔好立亂做愛。
對住一班面對單身問題嘅人叫佢地唔好立亂做愛，其實即係咩呢，我諗到最接近一個比喻，應該係教緊一班饑民餐桌禮儀。
請幻想以下內容由黃子華聲演。
「哦，我明白你地無飯食好慘，慘慘豬喔，係咪好肚餓呢，不過唔緊要，我地今日黎就係教你點樣可以好好地咁食一餐飯，點樣唔會失禮人。嗱嗱嗱，食飯夾餸就唔可以飛象過河。嗱嗱嗱，長輩未夾餸後輩就唔可以夾先。飲湯就記得唔好飲到殊殊聲喎。嗱，等你地學識晒呢D規矩，到有飯食果陣，咪唔會出醜囉。」 (待續)
「哦，我明白你地無飯食好慘，慘慘豬喔，係咪好肚餓呢，不過唔緊要，我地今日黎就係教你點樣可以好好地咁食一餐飯，點樣唔會失禮人。嗱嗱嗱，食飯夾餸就唔可以飛象過河。嗱嗱嗱，長輩未夾餸後輩就唔可以夾先。飲湯就記得唔好飲到殊殊聲喎。嗱，等你地學識晒呢D規矩，到有飯食果陣，咪唔會出醜囉。」 (待續)
呵呵呵呵
回覆刪除